Што такое ініцыятыва?
Гэта грамадская некамерцыйная арганізацыя, праект або група, якая дзейнічае на карысць грамадства.
Тры асноўныя каштоўнасці:
- Ініцыятыва павінна быць некамерцыйнай. Гэта значыць, што яе дзейнасць перш за ўсё накіравана на паляпшэнне грамадства.
- Нам важна дапамагаць ініцыятывам, якія імкнуцца стварыць супольнасць, развіваюць унутранае самакіраванне.
- Ініцыятыва, якой трэба дапамога, адкрытая, як для патэнцыйных удзельнікаў, так і для каманды Лічбавай Майстэрні.
Чым мы можам дапамагчы?
- Адрамантаваць або стварыць сайт.
- Зрабіць дызайн плаката, банера, лагатыпа і г.д.
- Напісаць мабільнае прыкладанне.
- Пераставiць аперацыйную сістэму.
- Перакласці вэб-сэрвіс або зрабіць урок па лічбавай бяспецы.
Гісторыі ініцыятыў
Ліга добраахвотнай
працы моладзі
Каманда арганізацыі ладзіць праграмы па ахоўве традыцый студэнцкіх атрадаў і развіццё дабравольніцкага (валанцёрскага) руху сярод моладзі Беларусі.
Клубны дом
"Крылы Надзеі"
Пляцоўка для рэабілітацыі людзей з псіха-фізічнымі адхіленнямі. Тут удзельнікі практыкуюць сацыяльную уключанасць і ўзаемадапамогу.
Komnata 3/0/2
Месца, якое злучае некалькі грамадскіх арганiзацый: Фiальту, Згуртаванне Беларускіх студэнтаў і Мінскую ўрбаністычную платформу.
Як мы працуем з ініцыятывамі?
- Тэлефануем вам і высвятляем неабходнае ў задачы.
- Шукаем валанцёра або самі прыступаем да задачы (калі ў каманды ёсць рэсурсы).
- Сочым за прагрэсам працы над задачай і дапамагаем вырашаць непаразуменні з валанцёрам, калі такія ўзнікаюць.
Каштоўнасці ў супрацы
- Ствараем супольнасць айці-валанцёраў, якія ў патрэбны момант дапамогуць вашай задачы.
- Любую ініцыятыву, якая да нас звернецца, мы разглядаем як партнёраў. Рашаем задачы разам напрацягу ўсяго ўзаемадзеяння. Варта памятаць, што мы не з’яўляемся сэрвісам або фірмай па стварэнню сайтаў.
- У выніку нашай дапамогі, валанцёр і ініцыятыва ўзаемна перадаюць і атрымліваюць веды ў падтрымцы сваёй лічбавай інфраструктуры ў будучым, напрыклад, ініцыятыва ўмее размаўляць з айці-валанцёрамі, фармуляваць ім задачы.