Хто такі айці-валанцёр?
Гэта чалавек, які мае тэхнічныя веды і выкарыстоўвае іх для дапамогі грамадскім ініцыятывам.
Самыя патрэбныя тэхналогіі
- Для валанцёраў-праграмістаў: html, javascript, android, css, php, wordpress, ssh, git, drupal, framework, linux, apache, mysql, UX/UI, java, gulp.
- Для дызайнераў - Adobe Photoshop, gimp, Adobe illustrator, CorelDraw, Inkscape, Adobe InDesign, Blender, Scribus.
- Для перакладчыкаў - гэта англійская, беларуская і руская мовы.
- Для спецыялістаў па бяспецы - gpg, veracrypt, keepass, enigmail.
Асобныя і самыя важныя на сёння скілы - гэта аналіз патрэбы, падрыхтоўка тэхнічных заданняў для задач, з якімі прыходзяць грамадскія ініцыятывы і арганізацыі.
Якія самыя частыя задачы?
- Стварыць або адрамантаваць сайт (front end, back end, dev-ops).
- Намаляваць шапку сайта, лагатып або плакат.
- Стварыць мабільнае прыкладанне або напісаць дадатковы модуль.
Гісторыі валанцёраў
Зміцер Буймістраў,
фронт-энд
“Лічбавая Майстэрня — гэта месца, дзе набіраюцца вопыту. Тут людзі атрымліваюць навыкі, якія будуць карыснымі на рэальных праектах”.
Анастасія Фрост,
дызайнерка
"IT-валанцёрства - гэта добрая магчымасць раскрыць сябе, знайсці аднадумцаў і зрабіць нешта карыснае для тых, хто не мае патрэбных рэсурсаў."
Святлана Коцікава,
бізнэс-аналітык
“Поспех валанцёрскага праекта залежыць ад асабістай адказнасці. Усе павінны быць гатовыя да працы і быць уключанымі ў працэс”.
Як мы працуем з валанцёрамі:
- Валанцёр запаўняе анкету.
- Мы звязваемся з ім і ўдакладняем вопыт.
- Шукаем з наяўных падыходзячую задачу.
- Звязваем валанцёра з грамадскай ініцыятывай і дапамагаем наладзіць кантакт.
- Сочым за працай, па выніках складаем справаздачу і пішам рэкамендацыю.
- Працуем па схеме, апісанай ніжэй.
Што валанцёр атрымае ад супрацы з ініцыятывай?
- Новыя знаёмствы з цікавымі людзьмі, якія робяць наша грамадства лепш.
- Рэальныя і - самае важнае - карысныя праекты, якімі пачынаючы айцішнік папоўніць сваё рэзюмэ.
- Сацыяльныя веды, якія дасведчаны праграміст зможа палепшыць, напрыклад, даведаўшыся пра дзейнасць грамадскай арганізацыі.
- Падвышэнне валанцёрам свайго аўтарытэта і кармы за добра зробленую задачу сярод такіх жа прадстаўнікоў супольнасці айці-валанцёраў.
- Рэкамендацыйны ліст і падзяку, у тым ліку адлюстараванне свайго імя на гатовай працы.